PUNTERÍA

Cativ@s como estamos de puntería?

Mirade que para levar a cabo estes xogos, debemos de ter boa puntería, e se non a temos....pois o que toca é practicar jajaja!

Así que mans á obra...

Coma sempre necesitaremos materiais que teñamos pola casa: 

Porta con diana

Materiais: 

- Periódico ou cartón

- Celo

- Tesoiras

- Papel

- Rotulador

- Pelotas ou avións de papel

Elaboración:

Moi pero que moi fácil, simplemente, xuntamos 2 follas de periódico (ou máis, dependendo do tamaño da porta), e facemos círculos de diferentes tamaños. 

Nos círculos máis grandes, poñemos ao lado unha puntuación baixa, e conforme van diminuindo en tamaño, aumenta a dificultade e vai aumentado a puntuación. (números máis baixos para os de 3, e máis altos para os de 4 e 5 anos, aínda que se queremos, podémolo facer sen puntos). 

Xogamos por turnos, e imos sumando a puntuación.

(que o fagan eles, poden usar os dedos, anotando raias, ou mentalmente, sempre tendo en conta as posibilidades de cada un). 

Bolos

Materiais:

- Botellas (de leite, de auga, bebibles...)

- Pinturas, pegatinas ou material para decorar.

- Pelota

Unha vez vacías as botellas, decorámola como queiramos: pintamos, pegamos goma eva, pegatinas... e poñemos un número en cada botella. 

Enchemos o cú da botella con arroz, ou con auga, para que pese algo e non saian disparadas.

Poñemos unha marca no chan a certa distancia (máis ou menos difícil dependendo do expert@ tirador /a jajaja). e a lanzar a pelota polo chan. 

E iremos sumando os números das botellas que están no chan. 

Para complicalo máis, os nenos de 4 e 5, poden sumar os que quedan no chan, e os que quedan de pe, e así comparar donde hai máis ou menos puntuación.
Se queremos, para os nenos de 4 e 5 anos, podemos poñer tamén algunha letra, e terán que decir ou escribir palabras que empecen por dita letra. 
(por exemplo, se tiran 2 bolos, un ca letra P e outro ca E: Parque, elefante).
🎳

Discos voladores

Materiais:

- Cartón

- Tesoiras

- Témperas

- Rolo de papel de cociña

Recortamos uns discos no cartón, decoramos de distintas cores. 

Por outra banda, pegamos nunha base de cartón, o rolo de papel de cociña. 

E agora, a unha distancia prudencial, lanzaremos os aros para encestar no rolo.
Tedes un vídeo tutorial do profe Juan de Ed. física no seu blogue, déixovos o enlace.
E polas fotos que me fixéchedes chegar, algúns de vos xa o tedes feito 😉.

http://efcerdeirinhas.blogspot.com/2020/04/xogo-para-infantil-e-primaria.html

⭕ ⭕ ⭕

Avións de papel

Míticos...clásicos, pero nunca fallan. 

Só necesitades papel, e un pouco de maña jaja!😏 ahh, e como non, pinturas..., un avión sin personalizar non é un avión 🚀

Déixovos un enlace con pasos a seguir, escollede o avión que queirades

 (sí, hai infinidade de modelos....eu non sabía...jajaja).

Podedes poñer marcas no suelo, ou simplemente a lanzar.....

FAI CLIK NA IMAXE

Veña... a comprobar quen é capaz de lanzar máis lonxe!

Moito ánimo cativ@s!😄

Que teñades unha feliz ponte😊

#euquedonacasa

Destreza manual

Tendo en conta que nesta etapa o máis importante é que os cativ@s manipulen e experimenten, gustaríame recalcar a importancia de que dende a casa axudemos a que consigan pouco a pouco unha mellor habilidade e destreza manual. 

Polo que vos amoso actividades que podedes levar a cabo na casa, para que ademáis de axudar, estarán favorecer o desenvolvemento da motricidade fina.

Xogos con PLASTILINA

- Pellizcando pequenos cachos.

- Facendo bolitas, churros.

- Amasando e modelando.

Xogamos a PESCAR 

Nun recipiente con agua, metemos tapóns ou pezas que floten, e pescamos con 2 paus para pasalos a outro recipiente. Podemos pescar solo dunha cor, ou tamaño, trasportar un número determinado...

PINZAS

Como xa sinalei en anteriores publicacións, as pinzas van a ser un recurso moi útil en estas idades. Polo que ademáis das actividades recomendadas, poden axudar a tender a roupa, a colocalas nunha corda ou nunha caixa facendo agrupacións de cores, grupos atendendo a un número concreto, facendo seriacións...

CLASIFICAMOS

Neste caso, empregaremos garabanzos, lentellas, fabas..., xuntaremos todo nun recipiente, e terán que ilos separando de un en un para levar a cabo unha clasificación. 

Tamén poderan encher botellas, cada botella con un tipo de legume, ou por niveles 

(1º garabanzos, 2º lentellas, 3º fabas...)

Ou colacalas en trazos ou debuxos seguindo un orde (lentella, garabanzo, faba, lentella garabanzo, faba...)

Enchemos RECIPIENTES

Moitos de vós, teredes nas vosas casa un peto no que gardades os cartos. Pois ben, que vos parece se contades as moedas, se quitades (si ten burato por onde sacar os cartos) e volvedes a meter. 

Senón, podedes facer un pequeno peto a partir dunha botella ou un bote, facendo unha ranura na parte superior, non fai falta que usemos moedas, senón que servirán botóns, ou mesmo círculos que fagamos en cartón.  

Usamos TESOIRAS ✂

Tendo en conta que cando usen as tesoiras deben estar vixiados, fomentade o uso das mismas.

Recortando letras de periódicos, debuxos ou fotografías que lle gusten  para logo pegar nun folio e decorar ou escribir o nome. 

E algo que tamén os vai a ir axudando no dominio da tesoira é prepararlles diversos patróns de recorte en folios ou cartulinas. (Recordade o reciclase, serve perfectamente papel que xa está utilizado polo outro lado, como poden ser facturas vellas, folios sucios...)  Podemos engadirlle un número a cada patrón, para que ordenen e posteriormente recorten seguindo dito orden. 

Facemos COLARES

Todos e todas temos na casa macarróns, e quen non fixo algunha vez un colar ou unha pulsera con eles?  Pois nesta cuarentena podémolo levar a cabo, facendo seriacións ou simplemente insertando os macarróns polo lazo, lá, ou senón temos, podemos pinchar un espaguete nuha esponxa ou plastilina e ir introducindo no mesmo. 

ABOTOAR E DESABOTOAR

Unha rutina que temos que levar a cabo, e que os axudará cada vez a ser máis autonomos. Deixamos que os cativ@s abrochen, cremalleiras, botóns,botellas, velcro.... unha e mil veces, de diferentes tamaños, cores... Incluso, podedes facer un tableiro con diferentes elementos de cierre e apertura. 

Lembrade fomentar en todo momento a autonomía dos cativ@s, que pouco a pouco van sendo máis capaces. ✋✊👐

Un saúdo familias 😀

#euquedonacasa

Recolle pelotas

Aínda que esteamos na casa, podemos xogar nun campo de fútbol.

Preparade material reciclado, que comezamos!

MATERIAIS:

• Caixa cartón
• Cúter e tesoira (uso para os maiores)
• Folio de cor (ou blanco)
• Rotulador ou lápis
• Palliña ou pincho moruno
• Rolo de papel hixiénico 
• Celo
• Pelotas pequenas (plasti, papel alumnino, pompóns...)

O primeiro que temos que facer é  medir o lateral da caixa, e no centro, cortar dous rectángulos que serán as porterías. 

 Posteriormente, meter dentro da caixa un folio de cor, e pintar as líneas de un campo de fútbol.

Agora cortamos do rolo de papel hixiénico 2 anacos da seguinte maneira.

E posteriormente, facemos un pequeno burato no que insertaremos a palliña ou o pincho moruno que fixaremos ben con celo ou con silicona quente.

Xa temos case todo listo, faltan as pelotas. Para iso, colle plastilina, e fai pequenas pelotiñas, ou senón con papel de alumnino, garabanzos...

E agora a XOGAR.

Podedes empregar diversas regras: gaña quen colla máis, gaña quen meta máis na portería do contrincante, quen colla so as dunha cor...

Recordade que o podedes facer como un simple xogo para entreternos, ou tamén valorar as posibilidades de aprendizaxe que ten:

     - Dar unha puntuación a cada cor, (por exemplo rojo=2, blanco=1, malva=3) e sumar para obter            puntuación total.

      - Ter 2 pelotas de cor diferentes que resten 5 puntos.

Podedes facer as variacións que vexades oportunas, tendo en conta as posibilidades dos vosos cativ@s.

E sobre todo   D-E-S-F-R-U-T-A-D-E

Xa me contaredes que tal se vos da recoller pelotas 😉⚽⚾🏀

#euquedonacasa

Cousas de CATIV@S!

Seguen a chegar mostras do ben que o estades a facer na casa, e das actividades que estades a realizar.









IAN, moi ben o pasa, fai manualidades, deporte, fichas, actividades de atención, conteo e ata toca instrumentos....

Poñendo en práctica actividades do
profe Juan. 

NOA, sigue tamén traballando moito, e dun xeito moi pero que moi dulce, está traballando os números..., por que a quen non lle gustan os lacasitos?, mirade o que podemos facer con eles, (ademáis de comelos claro😀)

E tamén actividades de atención: 

Ademáis, que sepades, que a súa idade..., xa se vai a independizar, sí, sí, o que estades a ler. 

Eso sí, leva a seu irmá Hugo con ela. jajaja. 

Casa con caixas de cartón.

Pero que está pasando? a cuarentena fai que todos se independicen🏠🏠!

Mirade a casiña de MATIAS

Reciclando caixas de cartón.

E sigue traballando moito, aquí conteo e asociación número-cantidade.

👏👏

Tamén vemos que LEIRE xa é toda unha experta en letas e xa compón moitas palabras, asocia maiúscula-minúscula...

E repasa os números cos imáns que ten na nevera. 

Encántame ver que seguides aprendendo e desfrutando a través de actividades divertidas. 

Seguide así CATIV@S, estádelo a facer xenial  👏😉

#euquedonacasa

-__Ollos ben abertos__-

Despois do fin de semana de descanso, tedes que ter os ollos ben abertos e poñer atención, solo así podemos levar a cabo esta actividade.

Só precisamos papel e cores. 

Nun folio,(podedes reutilizar meténdoo dentro dunha funda de plástico) escribiremos na parte superior frechas, 

unha mirando cara un lado, e outra cara outro lado

ou, mirando cara arriba, ou cara abaixo.

Rodeamos cada unha dunha cor, e escribimos máis frechas por todo o folio,

e agora xa lle toca ós cativ@s, 

que terán que estar atentos e rodear as frechas dos cores correspondentes.

E como unha imaxe vale máis que mil palabras.....

Tede en conta a idade dos vosos cativ@s, e as súas posibilidades, xa que o podemos facer sinxelo, para os de 3 anos, (só 2 frechas), ou podémolo complicar máis, para os de 4 anos, con máis frechas, e para 5 anos, incluíndo  que se leve a cabo o conteo final, para saber que tipo de frechas hai máis, ou menos..., eso ídelo comprobando cos vosos peques. 

Incluso podedes empezar a facelo sinxelo, e pouco a pouco ilo complicando, e así ver a súa evolución. 

Traballamos así, a atención, percepción, lateralidade, orientación espacial, asociación...

Non só o fagades con frechas, botádelle imaxinación, e facédeo tamén con números, letras, figuras xeométricas... 

Saúdos😉

#euquedonacasa

Actividades en C_O_N_T_O_S

Como hoxe é o Día do Libro, que mellor maneira que celebralo, ademáis dos contacontas que xa fixemos, de achegarvos algunhas actividades que podedes levar a cabo cos contos que tedes na casa.

Non so vos quededes con aqueles contos máis lidos, e máis divertidos, dádelle oportunidade a eses contos que pasan desapercibidos, porque teñen infinidade de opcións.

A continuación déixovos algunhas actividades que podedes levar a cabo: 

Espero que disfrutedes cos contos, e aproveitedes todas as súas posibilidades. Estas actividades podédelas incluir nas vosas rutinas diarias, familiarizando así o contacto dos cativ@s co mundo da lectura e a imaxinación.

Un saúdo lectores!!!!📙📘📗

#euquedonacasa

#euleonacasa

Seguimos CONTando!

Seguimos celebrando a Semana do Libro, con máis propostas que nos van chegando.

Hoxe comezamos con ZAIRA, que nos vai a contar unha das aventuras que aparecen no seu conto favorito "Las divertidas aventuras de las letras". 

 E gústalle moito a historia "Los quesos de la Q"🐞

 Aquí temos o conto contado por ZAIRA:

Seguimos con outro conto moi colorido, que lle gusta moito a ANTÍA: 

🎨"COLORES"

Este conto non nos conta ningunha historia, pero fainos coñecer moitos colores e mezclar para ver que novos colores aparecen. Así que se queredes invertigar mezcla de colores, só tedes que coller, papel e colores, ou se tedes témperas mellor! E a disfrutrar. 

E hoxe, imos a finalizar os nosos contacontos con MATÍAS, que nos vai a contar

  "A  VACA QUE PUXO UN OVO"🐄, un conto mooooi divertido. 

A VACA MARJORIE ESTABA MOI TRISTE PORQUE NON SE SENTÍA ESPECIAL COMO AS OUTRAS VACAS. NON ANDABA EN BICI, NON FACÍA PINCHACARNEIROS…

ESA NOITE AS PITAS BUSCARON UNHA SOLUCIÓN. “COOOO, COOOO, COOOO, COOOOO”, MATINABAN AS PITAS.

Á MAÑÁ SEGUINTE MARJORIE BERROU: “PUXEN UN OVO!!!!”

TODAS AS VACAS CORRERON A VELO E O GRANXEIRO TAMÉN.

A MULLER DO GRANXEIRO CHAMOU Á PRENSA.

MARJORIE FÍXOSE FAMOSA, ERA A PRIMEIRA VACA EN POÑER UN OVO!

PERO AS OUTRAS VACAS ESTABAN CELOSAS E NON CRÍAN QUE MARJOORIE PUXESE UN OVO, ERAN AS PITAS AS QUE POÑÍAN OVOS E FORON ONDE MARJORIE PARA DICIRLLO.

AS PITAS DIXÉRONLLE: “PROBÁDEO”.

ALÍ ESTIVERON TODA A NOITE A VIXIAR O OVO…

DE REPENTE ESCOITOUSE: TAP, TAP, TAP. “AQUÍ ESTÁ!”

O OVO ENTÓN ESCACHOU, ROMPEU E SAÍU DANDO UN CHIMPO UN ENVURULLO DE PLUMAS PEQUENO E MARRÓN.

“AÍ O VEDES”, DIXO UNHA DAS VACAS. “UN PITO”.

MARJORIE PÚXOSE OUTRA VEZ TRISTE.

DE SÚPETO A MINÚSCULA CRIATURA MIROU CARA MARJORIE E BERROU:

“MUUUUUUUUUUUUUUUUUUUUUUU”

MARJORIE SORRIU E APERTOU BEN FORTE O SEU PEQUENO. “É UNHA VAQUIÑA”, DIXO.

E DESEGUIDO CHAMOULLE DAISY.

E, COLORÍN COLORADO, ESTE CONTO XA ESTÁ REMATADO.

FIN

A VACA QUE PUXO UN OVO de ANDY CUTBILL, ilustrado por RUSSELL AYTO.

Polo que estou a comprobar, nas vosas casas tedes contos, moi pero que moi chulos eh! Espero que esteades a ler e a disfrutar deles. 

Sigo esperando máis contos, así que ANIMÁDEVOS familias! 😉

Saúdos!👋

 📚#euquedonacasa 🏡