RUTINAS

Durante a cuarentena, vai ser de vital importancia para as familias establecer unha serie de rutinas, de xeito que axuden a levar da mellor maneira posible esta situación temporal.



Amoso a continuación, un modelo de rutinas, que podedes adaptar tendo en conta as vivencias de cada familia, oon intervalos de horas orientativos:🕐

• 9h-10h: Almorzo, aseo, vestimenta (non temos présa, e xa somos maiores, sol@s podemos facelo).
• 10h- 12h: Actividades varias (podemos comezar pola asamblea).
• 12h- 14h: Descanso, axuda na cociña, poñemos a mesa.
• 14h- 17h: Comemos sós, recollemos a mesa, e podemos axudar a fregar ou meter no lavalouzas os enseres, e descansamos.
• 17h- 20h: Actividades: debuxo, recetas, relaxación...
• 20h- 22h: Ducha, cena, conto e a durmir.

Este modelo de rutinas, que pode ser ampliamente modificable, axudará aos cativos e cativas a situarse temporalmente, e a ter unha imaxe mental do que se vai levar a cabo ó longo do día.

Fomentemos que os cativ@s, sexan cada vez máis independentes, e tendo en conta que o que nos sobra agora mesmo é tempo....😞 deixemos que eles e elas, fagan e desfagan, practiquen e vaian collendo hábitos que os axuden a ser autónomos.

Imos a darlle tempo para:

- vestirse e desvertirse

- calzarse e descalzarse (poñer e quitar velcro, sacar e poñer calzado...)

- estirar a roupa da cama.

- axudar a poñer e a recoller a mesa (contando cubertos, vasos, se fan falta máis, se sobra algún...)

- axudar nas tarefas do fogar: limpar o polvo, secar cubiertos, meter e sacar roupa da lavadora

Unha das rutinas que gusta moito aos cativ@s, e que podemos facer despois de almorzar, asearnos e de vestirnos, é a asamblea, así que podemos levar a cabo unha pequena asamblea caseira: 

- Marcamos o día no que estamos nun calendario.

- Tachamos o día anterior.

- Dicimos verbalmente os días da semana.

- Os de 4 e 5 anos, poden escribir o día da semana no que nos encontramos.

- Mirar pola fiestra e comentar o tempo atmosférico.

- Facer un debuxo do seu corpo e do tempo atmosférico que fai.

- Escriben o seu nome (os de 3 anos tamén, que estos meses de cole, xa aprendimos como se escribe).

- E para os de 4 e 5 anos, poden escoller unha letra ó azar, e escribir todos os nomes da clase que conteñan dita letra.

Se poñedes en práctica estas recomendacións, xa me comentaredes os resultados. 😉

Un saúdo, e ánimo

#euquedonacasa