Coñecendo letras

Despois da fin de semana, que vos parece si traballamos un pouco?

Amósovos a continuación unha actividade que podedes facer na casa de xeito sinxelo para traballar cos cativ@s a lectoescritura, neste caso en concreto coas letras do seu nome

Fainos falta: rotuladores, folio e unha funda plastica (é prescindible).

1º Escribimos de xeito salteado as letras do nome do neno/a.

 2º Despois, escribimos máis letras do abecedario ata que a páxina esté chea.

 3º Metemos o folio na funda, de xeito que podamos borrar (con pano húmedo), e poder facer a mesma actividade noutro momento sen estragar papel.

 4º

•  3 anos: rodeamos as letras do noso nome.                       

•   4-5 anos: rodeamos as letras do noso nome, e contamos cantas hai de cada letra.

E non só o empreguedes para o nome dos cativ@s, podedes traballar o nome dos membros da familia, das mascotas, dos seus debuxos favoritos..., é dicir todo aquelo que lle interese e motive aos vosos cativ@s. 

De xeito lúdico, estamos favorecendo a asociación fonética, a atención, concentración...

Seguimos coa semana!

Á  N  I  M  O

#EUQUEDONACASA