Dominó

O dominó é un dos xogos, que polo xeral está presente na maioría de fogares, sexa de imáxenes, máis común para os cativ@s, e tamén o tradicional con puntos.

Hoxe recoméndovos o uso do dominó tradicional, xa que ten moito beneficios: 

   - Mellora a percepción visual, o fixarse nas fichas.

   - Mellora a psicomotricidade fina, a hora da colocación das fichas.

   - Mellora o coñecemento matematico ó contar os puntos.

   - Favorece habilidades interpersoais, xa que é un xogo en grupo. 

   - Axuda a traballar a paciencia dos cativ@s á hora de ter que esperar o seu turno. 

Por todo isto, e porque de forma lúdica estamos traballando un sinfín de cousas, ademáis do xogo tradicional, recoméndovos outros usos:

O alumnado asociará o número de puntos coa grafía do número.
Para os máis maiores podemos ir tomando contacto coas sumas. 

E tamén poderemos escribir o nome do número, e que busquen unha ficha que resulte ese número:

 SETE      =  

Deste xeito traballamos, atención, lectoescritura, discriminación...

Animádevos a xogar e a "revivir" un xogo tan tradicional. 

Biquiños para todos os cativ@s! 😘😘

Bo fin de semana

#euquedonacasa

Mundo Submarino

Familias hoxe comparto convosco, unha app moi chula para os cativ@s.

A través dela, poderán colorear varios animais marinos, e ver as súas creacións en realidade aumentada.  

Podédelas colorear a través da app, ou imprimíndoas. 

Aquí deixo o enlace para que vos mergulledes e disfrutedes.

🐟🐠🐬

Fai click na imaxe que abrirá o PDF explicativo.

Saúdos para todos e todas 😉

#euquedonacasa

Contamos e buscamos

Boas

Hoxo tráiovos un xogo de conteo e de búsqueda moi sinxelo.

Só precisaremos, folio, rotulador, dado e fichas (do parchis, figuras...)


Escribimos unha tabla con números ó azar.

• Tiramos 2 dados (ou un, dependendo do nivel do cativ@)
• Contamos os puntitos e sumamos.
• Buscamos o número no tableiro
• E tapamos cunha ficha. 

Se queredes, tamén podedes facelo con letras, e con cores, simplemente haberá que pegar letras no dado, ou cores, e facer un panel axeitado.  

E se o queredes complicar máis, podedes crear un dado con números maiores, para que traballen números máis elevados. 🔢

Saúdos familias! 😃

#euquedonacasa🏠

ArTisTeaNdO!

Familias

Hoxe tráiovos un pouco de artisteo para que os cativ@s experimenten a pintura noutras superficies. 

Imos a precisar: 

- Papel de aluminio

-Rotuladores

de cores     

- Spray con auga

- Folio

Moooi pero que mooooi sinxelo, e empregando os rotuladores, obteremos un debuxo que parecerá feito por acuarelas. 🎨

1. Os cativ@s debuxan na parte menos brillante do papel o que eles queiran, empregando a ampla gama de cores.

2. Cando rematen rociamos o spray enriba, e poñemos o folio. 

3. Con coidado, retiramos o folio e deixamos secar. 

Resultado final

Espero que vos guste esta actividade e que desfrutedes con ela. 

Saúdos! E bo FIN DE SEMANA😉

#euquedonacasa

Decoramos e xogamos

Aquí seguimos, un día máis é un día menos💪

Hoxo propoño unha actividade na que imos a partir da linguaxe plástica, para logo traballar a atención e asociación. 

Para iso, unha vez máis, precisamos de cartón (caixa de galletas, cereais, leite...), pinturas e tesoiras✂

E tamén podemos facer máis cousiñas cos polivalentes rolos de papel hixiénico.

Saudos familias!👩

#euquedonacasa

O que traballan os cativ@s!

Pois, si, os nosos cativ@s son moi pero que moi traballadores.

Manualidades super coloridas de BRAIS🎨

IAN xoga cunha supertabla caseira de motricidade fina.
XENIAL 👏

IAN traballando cos nomes de Superheróes.

IAN facendo Ioga, puzzles, traballand con nº...

Transporte de tapóns e creatividade de MATÍAS.

MATÍAS coa sua plasti caseira
e co seu aparcamiento 🚚🚗

NOA. Moire, usa plantillas para traballar, letras, números, atención...

ZAIRA, recortando e facendo manualidades.✂

ANTÍA traballando a lectoescritura e figuras xeométricas.🌞

Cada día os cativ@s sorpréndenme máis, seguen a ser traballadores, creativos e uns 

ARTISTAS

Grazas por compartir connosco o voso traballo!

#euquedonacasa

Aparcacoches

Comezamos a semana con enerxía, e hoxe tócanos facer de aparcacoches.

Polo que ide a polos vosos coches de xoguete que imos a comezar:

🚗🚙🚕

MATERIAIS:

• Coches de xoguete
• Post it ou papel e celo
• Folio ou cartóns
• Rotulador ou bolígrafo

(Poderedes comprobar que  as actividades que propoño son actividades que nos serven para traballar as mesmas cousas que en outras actividades xa sinaladas, pero empregando recursos diferentes, o que as fai máis atractivas para os cativ@s.)

Teremos que debuxar unhas ringleiras facendo como se fose un aparcamiento de coches.

 (podemos facer o aparcamiento en folio, e logo na funda plástica, ir poñendo o que queiramos traballar, tendo en conta modelos que amoso a continuación).

E teremos que aparcar cada coche no seu sitio correspondente:

- Co mesmo número (poñemos números nos aparcamientos e nos coches, para que asocien a grafía, sobre todo os de 3 anos).

- Puntos = número (números ou nos coches ou no aparcamiento, e puntos na inversa)

- Resultado de suma: 4 e 5 anos a suma nos coches e o resultado no aparcamiento

 ou á inversa, suma no aparcamiento e resultado nos coches:

Tamén podemos traballar a lectoescritura:

- Asociando letras maiúsculas iguais (3anos)

- Asociando a minúscula e a maiúscula.

- Formando sílabas, e logo escribir palabras que comecen con esa sílaba (5 anos)

E como xa apuntei en moitas ocasións, podedes ir incrementando a dificultade cando vexades que o cativ@ xa ten dominado o exercicio, incluso podedes facelo con figuras xeométricas, cores...

Botádelle imaxinación....🚗🚘 e
DESFRUTADE.

Un saúdo aos meus aparcacoches favoritos 🚗😉


#euquedonacasa

LETRAS GALEGAS 2020

Familias!

Estamos na Semana das Letras Galegas,

e o autor homenaxeado este ano é Ricardo Carvalho Calero. 

 Deixovos un enlace para que poidades acceder ó recurso creado para os máis cativos do cole.

FAI CLICK NA IMAXE

Ademáis, dendo o Seminairo Galán, achégannos información sobre o autor, así como Libros Interactivos Multimedia para que os máis cativ@s poidan coñecer ó homenaxeado. 
http://seminariogalan.org/inicio/portada
http://seminariogalan.org/inicio/portada/actividades/

Para acceder directamente ás actividades por idades, fai click na idade correspondente.








Un saúdo familias😉
#euquedonacasa

Monigote

Seguimos avanzando no mes de maio, e con este monigote intentaremos que sexa máis levadeiro. 

Collede lápiz ou rotulador, e debuxade un monigote nas posicions que se vos ocurra...

E logo, tedes 2 tarefas....

1. Construír o monigote con paus ou palillos.

2. Imitar co corpo a figura seleccionada.

E se queredes, podedes sacar fotografías do voso corpo para logo representar con palillos. 

Saúdos e moito ánimo familias 😀😉

#euquedonacasa 

Xogo da Oca

Tradicional e clásico, a Oca é un xogo que todos e todas coñecemos e ó que a maioría de nos xogou algunha vez. 

Elaborei o seguinte xogo da Oca interactivo, para que dun xeito diferente traballamos a lóxica matemática (contando puntos no dado, retrocedento, avanzando...), respetemos turnos, e ademáis superemos distintas probas que se nos propoñen. 

Fai click na imaxe para acceder ó xogo.

A ver quen é capaz de chegar de primeir@ á META!

Saúdos CATIV@S 😉

#euquedonacasa

TEATRILLO DE SOMBRAS

Familias, que vos parece se creamos un teatrillo de sombras.

A través del, ademáis de traballar a expresión plástica, imos a fomentar o diálogo, a comunicación, expresión, así como adquisición de palabras novas.

Para facer o teatrillo necesitaremos:

MATERIAL:

• Caixa de cartón e cúter.
• Papel vexetal (de forno).
• Debuxos oscuros, ou formas recortadas en cartulinas negras.
• Paus, depresores ou palliñas.
• Celo ou pegamento.
• Lanterna ou foco.

O primeiro que imos a facer, é debuxar un rectángulo na caixa, que posteriormente (os adultos), cortaremos cun cúter. 

E pegamos por dentro o papel de forno. 

Podemos pintar e decorar a caixa ou pegarlle adornos.

Mentras, os cativ@s, poden ir debuxando persoaxes, 🎨figuras, ou incluso recortando ✂debuxos impresos negros ou  pegados en cartolina negra, aos que despois pegaremos un pau para poder manexar. 

( Valorade a posición máis cómoda para manexar os títeres, podemos poñer os paus por abaixo ou por arriba, onde sea máis doado para que os cativ@s poidan xogar)

E agora moveremos os paus coas nosas figuras entre o foco de luz ou lanterna e a pantalla do noso teatrillo.

Que comece a función!🎬

Podemos inventar mil e unha historias, ser os oíntes ou os contacontos, pero sempre DESFRUTANDO.

Aproveitade para traballar onomatopeias, distintas entoacións de voz imitando diversos persoaxes, para resolver conflictos, para que expresen sentimentos, pensamentos e ideas...

  (Xa me mandaredes documentos gráficos jajaja)

BIQUIÑOS E APERTAS PARA TODOS😗

Que teñades un bo fin de semana!
ÁNIMO😉

#EUQUEDONACASA

CREATIVIDADE

Sabedes que unha tesoira non é so unha tesoira ✂?

Propoño que dende a casa deixedes voar a vosa imaxinación, e  esos obxectos cotiás que temos o noso arredor os vexamos como algo máis. 

Para iso, necesitamos, o dito, OBXECTOS COTÍAS, pinturas, papel, IMAXINACIÓN e CREATIVIDADE

Simplemente poñedes os obxectos enriba do folio, e a crear..., amósovos uns exemplos: 

(tede en conta que o debuxo non é o meu jajaja).

Anímovos a crear, e a que me enviedes as vosas artistadas!

Biquiños e apertas a distancia familias😘😃

#euquedonacasa